golggotmánu 28. beaivi 2015

Álgosiidu

“Čálestan dál” lea čállingilvu buohkaide! Čále jurdagiid ja áiccuid dás ja dál. Čále ovdamearka dihte nu go lávet sosiálamediai čállit, dahje dan maid háliidat muitalit dál. Searvva!

  • Čále davvisámegillii gaskal 5 ja 20 cealkaga.

  • Buohkat sáhttet searvat, leat golbma ahkejoavkku: Mánát vuollel 14 jagi, nuorat 15-20 jagi ja rávisolbmot 21 jagis bajás.

Jury vállje vuoitočállosa guhtege luohkkájoavkkus, vuoitun lohkanbreahtta. Sádde čállosa lohkanguovddas@samiskhs.no ovdal juovalmánu 11. beaivvi 2015. Čále iežat nama ja agi dasa. Dieđit jus mii oažžut du čállosa almmuhit Ávviris –du namain dahje du nama haga.

 

Loga Ávviris jearahallama gilvvu birra: http://avvir.no/cale-das-ja-dal

 

Njuolggadusat čállingilvui:

  • Čállingiella lea davvisámegiella.

  • Čállosiid hápmi: Čále du árgabeaivvi jurdagiid ja/dahje áiccuid dás ja dál. Ovdamearka dihte čále nugo lávet čállit sosiálamediai, dan maid háliidat muitalit dál.

  • Fuomáš eat dohkket oanádusaid!

  • Ii leat šáŋŋer gáibádus, čále mo háliidat.

  • Čállingilvu lea buohkaide, mis leat 3 luohká:

  • Mánát vuollel 14 jagi,

  • Nuorat 15-20 jagi

  • Rávisolbmot 21 jagis bajás

  • Čállosis galget leat gaskal 5 ja 20 cealkaga.

  • Jus máŋggas servet ovttain čállosiin, de lea unnimus mearri ahte čállosis leat vihtta cealkaga guhtege olbmo nammii.

  • Čálus galgá sáddejuvvot e-poasta čujuhussii lohkanguovddas@samiskhs.no maŋemusat juovlamánu 11. beaivvi.

 

Čállosiid almmuheapmi:

  • Čállosiid oamasteaddjit leat čállit, gilvvu lágideaddjt ožžot almmuhit čállosiid gilvvu oktavuođas jus čálli addá lobi (Ávvira neahttasiiddus ja báberaviissas, Sámi lohkanguovddáža neahttasiiddus ja dáid seamma ásahusaid facebook siidduin).

  • Mii divvut čállinmeattáhusaid čállosiin ovdalgo almmuha daid.

  • Čálli sáhttá maiddái dáhttut ahte čálus almmuhuvvo čálli nama haga.

 

Vuorbádeapmi:

  • Mii válljet golbma buoremus čállosa guhtege ahkeluohkás.

  • Čállosat válljejuvvojit jury bokte, dan vuođul mo teaksta osiiguin ja ollislaččat nákce lohkkiide addit buriid vásáhusaid. Jurylahtut leat journalista Alice Balto (Ávvir), áŋgiris čálli ja bloggar Siri Gaski, ja Sámi lohkanguovddáža jođiheaddji Lisa Baal.

  • 1. vuoitu guhtege luohkás lea neahttabreahtta, 2. ja 3. vuoittut leat girjevuoittut.